تعالى يا عصفورة أحكيلك
على اللى خدعنى وطار
قالى هيخدنى ونطير زيك
لكن طلعت أوهام
عملى جناح مبيتحركش
وجناح تانى مبيطيرش
وقالى هبنيلك عش مبيتكسرش
وهفضل جمبك مهتحركش
تعالى يا عصفورة أحكيلك
على اللى خدعنى وطار
حكايتى ببداية ملهاش نهاية
بدايتها قصة مش رواية
بكتبها عشان تكون موعظة
لكل العصافير اللى زينا
تعالى يا عصفورة أحكيلك
على اللى خدعنى وطار
كان بيرفرفلى فى كل مكان
ويصوصولى فى كل زمان
وبيحكيلى على زمن السلطان
ويوشوشنى بأحلى الأنغام
تعالى يا عصفورة أحكيلك
على اللى خدعنى وطار
الكدب سلاحه ومنهاجه
والغدر طريقه وعرفانه
والجرح ده دايما فى طباعه
وقليل الأصل ما نلومه
تعالى يا عصفورة أحكيلك
على اللى خدعنى وطار
أنا صابرة ولصبرى حدوده
والمؤمن بالله هيصونه
وأنا كل اللى أقدر أقوله
أنا راضية بقضاء الله
تعالى يا عصفورة أحكيلك
على اللى خدعنى وطار
الخميس أغسطس 09, 2007 10:17 am
