شربات هانم المستكاوي, مسخررررررررررررررررررررررررة

واخيرا وبعد طول غياب اثار عديد من التساؤلات عادت الينا المسؤله الرسميه عن المنظمه الدوليه (من اجل كوكب خالي من الرجال) شربات هانم المستكاوي
واختصنا بهذا الحوار

المحرره: حمدالله بالسلامه وعودا حميد لحضرتك ولكل اعضاء المنظمه بس كنا عايزين نعرف ايه سر الغيبه الطويله دي
المسئوله: الله يسلمك وانا عايزه اشكر كل العضوات اللي استنونا وكانوا بيسالو علينا وبنقلهم احنا راجعين بكل قوه وهنفضل صامدين ضد الزحف الرجالي للنهايه اما بالنسبه للفتره اللي احنا بعدنا فيها اولا احنا كنا في مظاهره سلميه في كولالمبور بعد حادثه اغلاق باب الترشيح علي صابع احدي العضوات المشتركه معانا والتسبب في احداث خدش في طلاء الاظافر الخاص بها (كان لونه بني شيكولاتي ممزوج بلبن الماعز) وطبعا دا كارثه ماينفعش نسكت عليها
المحرره: وانتهي الموضوع علي ايه
المسئوله:الحمد لله اخدنا تعويض 4 مليون دولار وازازه منكير بنفس اللون جديده
المحرره: واي مخططاتك الجديده هنا
المسئوله:احنا ان شاء الله هنكثف نشاطنا هنا الفتره اللي جايه لاني لاحظت ان السيدات هنا مش واخدين غير حقهم بس ودا سبب لاحدي العضوات انهيار مزاجي من صعوبه الموقف خلانا ناخد قرار حازم واكثر جديه
المحرره: وايه هو الموقف دا
المسئوله:احنا مش هنقدر نعلن عنه حاجه دلوقتي بس انا بحذر الرجال من خطوره الموقف اللي هما فيه حاليا وبانصحهم بالانسحاب السلمي من الاراضي
المحرره: اي اراضي بالظبط اللي بتطالبوا الرجال ينسحبوا منها
المسئوله:كل الاراضي لازم يتم اخلاء كوكب الارض تماما من العنصر الرجالي
المحرره:وهيرواحوا فين
المسئوله :والله دي مشكلتهم هما يتصرفوا فيها بمعرفتهم احنا مالنا عندهم المريخ الجو فيه لطيف وكوكب الزهره بردوا بس بلاش عطارد لان نساء عطارد طردوا كل الرجال منه ومانعين دخول اي لاجئين رجال
المحرره:قبل ما نختم حوارنا ايه الرساله الي بتقدميها للعالم
المسئوله: بالنسبه للرجاله انا رسالتي واضحه ووصلتلهم اما بالنسبه للنساء بقول لكل سيده
عزيزتي حواء
لم يعد الامر بسيطا كما كنت تظنين
حان الوقت للتخلص من زوجك
من كل الرجال من حولك
من اجل الحفاظ علي كوكب الارض
من اجل نشر الخير والجمال
انضمي معنا
من اجل كوكب خالي من الرجال

هو ايه ده دايما الراجال مظلومين وبتقولو حقوق المراه

انتو عبط ولا ايه