سرحت بخيالى

مرت ببالى
سرحت بخيالى
شوفتك أوبالى
بنفس المكان
بالصورة الجميلة
والنسمة العليلة
حورية واميرة
واجمل كمان
ناديتك تعالى
رديتى يا غالى
يا عمرى وامالى
يا بر الامان
مديتلك ايديا
يا نن بعنيا
مديتى ايديكى
بلمسة حنان
حنينى اخدنى
اضمك لحضنى
اضمك يا عمرى
زى زماان
ونزلت دموعى
فى لحظة رجوعى
من دنيا الخيال
قلبى بيحلم
بيكى ويندم
وربى اللى يعلم
بنار الحرمان
مشتاق انى اشوفك
والمس كفوفك
اكمل حروفك
يا ضى المكاان
مرت ببالى
سرحت بخيالى
شوفتك اوبالى
بنفس المكاان