السلام عليكم
انا عارفة ان مشاركاتى تكاد تكون معدومةبس اعذورونى
النهاردة انا جايلكم بموضوع يهمنا كلنا
اقصد بكلنا المراءة والرجل
عايزة اتكلم عن حاجة مهمة جدا هى الحقيقة شعور داخلى بياثر فى حياتنا بشكل كبير
الشعور دة هو الغربة او ما يسمى علميا بالاغتراب ........................
والاغتراب هو الشعور باننا لوحدنا بالرغم من اننا عايشين مع الاهل والاصدقاء
لكن حتى الصداقة بقيت صعبة فى ايامنا دى كل واحد فينا حاسس انه لوحده وان محدش فاهمه
الشعور دة بياثر على علاقتنا بالاخرين خاصة العلاقة بين الازواج ومن اهم الاسباب اللى بتادى لما يسمى الخرس الزوجى
علشان ما اطولش عليكم ..................................................
اقولكم ايه اسباب الغتراب
1- كل واحد فينا بيكتفى بانه يسمع التانى من غير تعقيب اعتقادنا مننا ان دة هو مفهوم الصداقة او هو دة دور الزوج او الزوجة من غير ما يناقشخ فى صحة او خطاء كلامهاو موقفه
2-ان كل واحد فينا عايز يسمع من اللى معاه اللى يريحه بس واللى يقوله انت صح حتى لو كان غلط ومش بنقبل النقد اه ممكن النقد يكون جارح بس مهم حتى لو زعلنا لكن لما نفكر حنوصل للصح
3- جهلنا بامور دينا وانشغالنا بالدنيا بشكل بشع مبقاش حد بيهتم باحتياجات ومشاعر اللى حوليه
انا طبعا مش قلت كل الاسباب بس يعنى دى تعتبر اهم الاسباب من وجهة نظرى انا بادور على حل للشعور بالاغتراب
ولحد دلوقتى مش لاقية لان محدش مقتنع بضرورة النقاش.............يا رب الاقى عندكم مساعدة وتساعدونى اننا نتغير ونعمل الحياة اللى احنا عايزنها مش اللى اتفرضيت علينا .............
حياتنا حتتغير بينا لازم نشارك بعض الالم والفرح مش بس بالتواجد لكن بالراى ...............
يا رب موضوعى يكون عجبكم وقدرت اوصل اللى جويا بصدق
تحياتى لكل اعضاء المنتدى
وتحية خاصة وشكر كبير لمصطفى
الإثنين سبتمبر 17, 2007 2:17 am
